2007. urteaz geroztik Moodlemoot Euskadi ospatzen da, Euskal Herrian teknologia eta hezkuntzari buruz egiten den ekitaldi garrantzitsuenetako bat, eta aurten BIRTLHk antolatu du.
Programaren plangintzatik baliabideen kudeaketaraino, zentroko talde batek hilabeteak daramatza lanean xehetasun bakoitza bere lekuan egongo dela bermatzeko. #mooteu23 programaren ardatza hezkuntzako eraldaketa digitalaren erronka izango da. Erronka horrek berekin dakar ikastetxearen berezko kudeaketa-prozesuak, irakaskuntza-ikaskuntza prozesuak, beharrezko azpiegiturak eta eskuratu beharreko gaitasun berriak birpentsatzea. Topaketak hainbat hitzaldi eta tailer izango ditu, gai horiek hainbat ikastetxetan nola jorratzen ari diren azaltzeko, eta hezkuntzaren digitalizazioak planteatzen dituen erronkei buruz eztabaidatzeko gune bat izango du.
#mooteu23 apirilaren 26an egingo da Tabakaleran eta izen-ematea apirilaren 16ra arte egongo da zabalik. Programa osoa hemendik jaitsi daiteke.
Bertaratzen garen guztiei kalitatezko esperientzia eskaintzeko konpromisoa hartzen dugu, baita hezkuntza-komunitateari ideiak eta tresna berriak ematekoa ere. Zuen zain egongo gara #mooteu23-n!