Datorren 2021-22 ikasturtetik aurrera, BIRTLHk bere prestakuntza-eskaintza zabalduko du, hamaikagarren titulua ezarriz: 3D Animazioetako, Jokoetako eta Ingurune Elkarreragileetako Goi-mailako Teknikaria. Hasteko, lau modulu eskainiko dira lehen ikasturte honetan, eta pixkanaka beste modulu guztiak eskainiko dira, 2024an eskaintza osora iritsi arte.
Ziklo berriak 3D teknologiaren alorreko prestakuntza-premiei erantzuten die, eta bideojokoaren eta animazioaren industrian jardun nahi duten pertsonei zuzenduta dago. Hazkunde-aurreikuspen oparoak dituen sektorea da, eta gero eta jende gehiago enplegatzen du.
Informazioa ulertzeko eta kontsumitzeko moduaren bilakaerak aldaketa nabarmena ekarri du jokoek eta ingurune interaktiboek eskaintzen dituzten aukeretan, ia infinituak. Azken urteotan, horren erabilera hainbat esparrutara zabaldu da, hala nola publizitatera, arkitekturara, medikuntzara, zinemara, ikuskizunera, kirolera edo hezkuntzara.
3D animazioa salmenta-tekniketan txertatuz, kartoizko maketen ordezko gisa, efektu bereziak sortzeko, edo ikerketa zientifiko konplexuen hedapenean, errealitatearen irudikapenak ordezkoak izateari uzten diote errealitate bihurtzeko, errealitatearen eta irudimenaren arteko muga lausotuz klik gutxi batzuetan…
Informazio gehiago hemen.