Eusko Jaurlaritzak Covid-19ren hedapena geldiarazteko hartu dituen azken neurriek ez dute aldaketarik eragin BIRTLHren irakaskuntza-jardueran. 36/2020 Dekretuak berariaz baimentzen du ikastetxeetara joatea, eta, beraz, udalerrien arteko mugikortasuna mugatzeak ez die eragiten aurrez aurreko saioetara joaten diren ikasleei, betiere hori agiri bidez egiazta badaiteke.

Helburu horrekin, aurrez aurreko moduluak dituen ikasle bakoitzak bere BIRTLH zentro laguntzailera lekualdatzeko beharra egiaztatzen duen dokumentua deskargatu ahal izateko aukera gaitu da Ikasgela Birtualean. Dokumentu hori baliozkoa da, halaber, autonomia-erkidego mugakideetatik irakaskuntza jasotzera joaten direnentzat. Era berean, Lantoki Prestakuntza modulua egiten ari diren ikasle guztiei ziurtagiri bat eman zaie, praktika-enpresaren izena eta udalerria jasotzen dituena.

Dekretu horrek, halaber, taldeka egoteko mugatik kanpo uzten ditu hezkuntza-jarduerak, baina gogorarazten du ikastetxeetarako dagoen jarduera-protokoloa bete behar dela uneoro, babes-arauei, pertsonen arteko distantziari eta maskaren erabilerari eutsiz.