BIRTLHk, datorren maiatzetik aurrera, Mendekotasuna duten pertsonei gizarte-erakundeetan arreta soziosanitarioa ematea profesionaltasun-ziurtagiria eskainiko du, Lanbide-Euskal Enplegu Zerbitzuak diruz lagunduta, eta landunek edo okupatuek nahiz langabezian dauden pertsonek baliatu ahal izango dute ziurtagiri hori.
Ikastaro hau modu erdipresentzialean emango da, % 90eko online osagai nagusiarekin eta % 10eko presentzialarekin. Hau da, lanbide-prestakuntza lortzeko, online prestakuntza, BIRTLHren plataformaren bidez, eta saio praktikoak konbinatuko dira. Azken hauek Euskal Autonomia Erkidegoko hiru lurraldeetako hurrengo ikastetxeetan egingo dira. Era berean, amaierako azterketak aurrez aurre egiten dira.
LURRALDEA | IKASTETXEA | OKUPATUAK | LANGABETUAK |
---|---|---|---|
Araba | IES Francisco de Vitoria BHI | OC24200290TF | 24200154TF |
Bizkaia | CIFP Fadura LHII
IES Eskurtze BHI |
OC24200289TF
OC24200288TF |
— 24200153TF |
Gipuzkoa | EASO Politeknikoa | OC24200287TF | 24200152TF |
Matrikulazio-prozesua egiteko epea apirilaren 21era arte egongo da zabalik, eta Lanbideren webgunean egin beharko da. Sartu Lanbideren ikastaro-bilatzaile honetara, hautatu «Gizarte- eta kultura-zerbitzuak » arloa, eta zure probintziari eta lan-egoerari dagokien kodearekin ikastaroa aurkitu ondoren, jarraitu aurreinskripzioa egiteko jarraibideak.
Informazio gehiago nahi izanez gero, kontsultatu: Profesionaltasun Ziurtagiria: Mendeko pertsonei gizarte-erakundeetan gizarte- eta osasun-laguntza ematea.