BIRTLHko talde osoaren izenean, ongietorria eman nahi diegu gure ikasle guztiei 2023-2024 ikasturte berrira. Hainbat egun dira irakasleek eta kudeaketako langileek gogotsu lanean dabiltzala ikasturtearen hasierari begira. Aurten, gainera, Automatizazio eta Robotika Industrialeko ziklo berria estreinatuko dugu, 65 ikasle ingururekin. Zikloak jasotzen dituen hamabost moduluetatik bost eskainiko dira ikasturte honetan, eta pixkanaka gainerako moduluak ezarriko dira, 2026-2027an eskaintza osora iritsi arte.

Azken egun hauetan, ziklo guztietako ikasleak Ikasgela Birtualera eta ikastetxeko gainerako zerbitzuetara sartzeko kredentzialak jasotzen joan dira.

Era berean, aste honetan zehar, arratsaldeko ordutegian (18: 30ean), ziklo bakoitzeko tutoreekin bilerak egingo dira. Horietan, heziketa-ziklo bakoitzaren plangintzak ezagutaraziko dira, baita moduluen lan- eta ikaskuntza-dinamikak ere, eta horri buruzko edozein zalantza argitzen saiatuko gara.

  • Irailaren 12an:

    • Sukaldaritza eta Gastronomia
    3D animazioak, Jokoak eta Ingurune Elkarreragileak
    Automatizazioa eta Robotika Industriala

  • Irailaren 13an:

    • Administrazioa eta Finantzak
    Instalazio Elektrikoak eta Automatikoak
    Fabrikazio Mekanikoko Diseinua
    Fabrikazio Mekanikoko Produkzioaren Programazioa

  • Irailaren 14ean:

    • Web Aplikazioen Garapena
    Plataforma Anitzeko Aplikazioak Garatzea
    Osasun-Larrialdiak
    Mendekotasun-Egoeran dauden Pertsonentzako Arreta
    Sareko Informatika-Sistemen Administrazioa

Saio guztiak online izango dira, eta horietara joateko estekak hainbat kanalen bidez eman zaizkie ikasleei.

Bileran ikusiko dugu elkar!