Ikasketetarako sarbidea

Erdi-Mailako irakaskuntzan sartzeko, 18 urte izan behar dira. Goi-Mailako irakaskuntzan, 20 urte izan behar dira, edo 19 urte Erdi-Mailako Teknikariaren titulua dutenek.

Ez da inolako titulaziorik eskatzen, nahiz eta plazak esleitzeko lehentasunaren arabera baloratzen den.

Ziklo mota bakoitzerako lehentasuna ematen duten titulazioak:

ERDI-MAILA

  • Derrigorrezko Bigarren Hezkuntzako titulua.
  • Baliokideak diren beste ikasketak:
    • Teknikari-laguntzaile titulua (LH1).
    • Teknikari titulua (Erdi-maila).
    • Goi-mailako teknikari titulua.
    • Batxillergoko titulua.
    • IEEko 1. zikloa gaindituta izatea.
    • BBBko 2. maila gaindituta izatea.
    • Unibertsitate titulua.
    • Erdimailako zikletako sarbiderako berarizko prestakuntza gainditua izatea.
  • Oinarrizko Lanbide Heziketako titulua.
  • Hasierako Lanbide-Prestakuntzarako Programetako (HLPPk) oinarrizko moduluak.
  • Erdi-mailako edo Goi-mailako zikloetara sarbide-froga.
  • 25 urtetik gorakoei zuzendutako unibertsitatera sarbide-froga.

GOI-MAILA

  • Batxilergo titulua.
  • Baliokideak diren beste ikasketak:
    • Batxilergo esperimentaleko 2. maila gainditua izatea.
    • UBIa gaindituta izatea.
    • Bateratutako batxilergo balioanitzeko (BBB) titulua
    • Teknikari espezialista titulua (LHII).
    • Goi-mailako teknikari titulua.
    • Unibertsitate titulua.
  • Teknikari titulua (Erdi-maila).
  • Goi-mailako sarbide froga famili profesionalari dagokion aukeran.
  • 25 urtetik gorakoei zuzendutako unibertsitatera sarbide-froga.

Plazak talde jakin batzuei prioritatea ematen esleituko dira, ordena hurrengo izanik:

  1. Lehentasuna duten ikasle zaharrak
  2. Langileak edo enplegu-eskatzaileak
  3. EAEn erroldatutako pertsonak
  4. Zikloan gainditutako moduluak dituzten pertsonak
  5. Lan-esperientzia egiaztatua edo Profesionaltasun-Ziurtagiriak dituzten pertsonak 
  6. Titulazio akademiko baloragarria duten pertsonak
  7. Beste guztiak

Ikasturte honetan BIRTLHn moduluren bat egin baduzu eta matrikulatzeko lehentasunezko eskubidea baduzu, hurrengo ikasturtean lehentasuna izango duzu gainerako eskatzaileen aldean.

Lehentasunezko matrikulazio-eskubideari eusteko, beharrezkoa da matrikulatuta egon den moduluren bat gaindituta izatea, eta matrikulatu zinen gainerako moduluetako bat ere ez utzi edo baliogabetu izana. Moduluren bat suspendituz gero, eskubide horri eusteko, beharrezkoa da, gainera, etengabeko ebaluazioa gainditzea eta suspenditutako moduluko azken azterketetako batera aurkeztea.

Matrikulazioan lehentasuna duten ikasleak honela ordenatzen dira:

  • Lotura duen zikloan gainditutako modulu-kopurua.
  • 24-25 ikasturtean matrikultatutako moduluen artean gainditutako moduluen ehunekoa
  • Zikloan orain arte lortutako batez besteko nota (Orain arte egindako moduluen noten batura / Egindako modulu kopurua)

Ez, Euskal Herriko edozein udalerritan erroldatuta daudenek lehentasuna badute ere.

Euskal Autonomia Erkidegotik kanpo bizi bazara, kontuan izan behar duzu urruneko prestakuntza izan arren, nolabaiteko presentzia eskatzen dela:

  • Ziklo batzuetan, derrigorrezko jarduera presentzialak dituzten moduluak daude
  • Enpresako prestakuntza
  • Azterketak

Frogatzeko agiriak: Erroldatze ziurtagiria, aurreinskripzio (eskabideak) epearen barrenean emana.

Bai. Ikasle berri gisa sartzeko, langileek eta langabetuek lehentasuna dute gainerako eskatzaileen aldean.

Frogatzeko agiriak: Hauetako edozein:

  • Gizarte Segurantzaren Diruzaintza Nagusiak emandako Lan Bizitzaren ziurtagiria, eskabideak aurkezteko epean pertsona jardunean dagoela adieratzen duena (aurreinskripzio epearen barruan emana)
  • Lanbideren LEABD/ZEABD edo dagokion enplegu-zerbitzuaren agiri baliokidea, pertsona enplegu-eskatzaile gisa inskribatuta dagoela ziurtatzen duena.

Bai. Zikloaren zati bat egina eta gainditua baduzu, lehentasuna izango duzu. Zenbat eta modulu gehiago gaindituak izan, orduan eta abantaila handiagoa izango duzu. Horretarako, egindako eta gainditutako moduluak baino ez dira kontuan hartuko (ez baliozkotutakoak edo salbuetsitakoak).

Frogatzeko agiriak: Moduluak EAEn egin badituzu 2014-15 ondoren, ez da dokumentaziorik aurkeztu behar, espediente akademikoa Hezkuntza Departamentuko aplikazio informatikoetan baitago. Bestela:

  • Kalifikazioak adierazten dituen ziurtagiri akademiko ofiziala.

Gaitasun profesionala egiaztatzeko prozeduran parte hartu baduzu eta zikloari lotutako gaitasun-unitateak aintzatetsi badizkizute, zure esperientzia baloratuko da. Zenbat eta gaitasun-unitate gehiago egon, orduan eta lehentasun handiagoa izango duzu.

Frogatzeko agiriak: 

  • Erakunde eskudunak emandako ziurtagiria, egiaztatutako gaitasun unitateak jasotzen dituena.

Bai. Profesionaltasun-ziurtagiria horri lotutako gaitasun-unitateen arabera baloratzen da.

Frogatzeko agiriak:

  • Erakunde eskudunak emandako Ziurtagiriaren Titulua, lortutako gaitasun-unitateak jasotzen dituena.

Erdi mailako moduluetan sartzeko, DBHko titulu edo titulu baliokide baten espedienteko batez besteko nota baloratuko da.

Goi mailako moduluetan sartzeko, batxilergoko titulu edo titulo baliokide baten espedienteko batez besteko nota baloratuko da.

DBHko ikasketen titulu baliokideak

  • Teknikari Laguntzailearen titulua (LH I).
  • Teknikari titulua (Erdi Maila).
  • Goi-Mailako Teknikariaren titulua.
  • Goi-mailako batxilergoko titulua.
  • IEEko lehen zikloa.
  • BBB 2.
  • Unibertsitateko titulua.
  • Erdi Mailako zikloetan sartzeko berariazko prestakuntza ikastaroa gainditua izatea
  • Oinarrizko Lanbide-Titulua.
  • Hasierako Lanbide-Prestakuntzarako Programen (HLPPk) nahitaezko moduluak.
  • Erdi mailan edo goi mailan sartzeko proba.
  • 25/45 urtetik gorakoak unibertsitatera sartzeko proba.

Batxilergoko ikasketen titulu baliokideak

  • Batxilergo esperimentalaren 2. kurtsoa gainditu izana.
  • UBI edo PREU gainditu izana.
  • Batxilergo Bateratu Balioaniztunaren (BBB) titulua.
  • Teknikari Espezialistaren titulua (LH II).
  • Goi-Mailako Teknikariaren titulua.
  • Unibertsitateko titulua.
  • Teknikari titulua (Erdi Maila).
  • Goi mailako zikloetan sartzeko proba, zikloaren lanbide arloari dagokion aukeraren bidez.
  • 25/45 urtetik gorakoak unibertsitatera sartzeko proba.

Frogatzeko agiriak: 

  • Titulu edo ziurtagiri akademiko ofiziala. 

Oharrak:

  • Titulazioetan ez da hierarkiarik ezartzen; beraz, baliokideren bat baino gehiago izanez gero, komeni da batez besteko nota altuena duena aurkeztea.
  • Tituluan batez besteko nota agertzen bada, ez da beharrezkoa ikasketa ziurtagiri ofiziala aurkeztea (espediente akademikoa).
  • Tituluan batez besteko notarik ez badago eta ikasketa ziurtagiri ofizialik aurkezten ez bada, 5 puntu emango dira atal honetan.
  • Balio duen titulurik edo ziurtagiri akademikorik aurkezten ez bada, 0 puntu emango dira.

Bai. Zikloko moduluei lotutako zikloarekin edo konpetentzia-atalekin lotutako ikasketa ofizialak badituzu, horiek baliozkotzeko eska dezakezu.

Zer konbalidatu dezakezu?

Lanbide Heziketako heziketa-zikloen moduluak:

  • Zeharkako moduluak:
    • Enplegagarritasunerako ibilbide pertsonala I: baliozkotu egin daiteke LOEren edozein heziketa-ziklotan Laneko prestakuntza eta orientabidea modulua gaindituta edukita. LOGSE ziklo batean Laneko prestakuntza eta orientabidea modulua gaindituz gero, beharrezkoa izango da, gainera, Laneko arriskuen prebentzioari buruzko oinarrizko mailako ikastaro bat aprobetxamenduz egin izana (39/1997 ED).
    • Enplegagarritasunerako ibilbide pertsonala II: baliozkotu daiteke LOEko edozein heziketa-ziklotako Enpresa eta ekimen ekintzailea modulua edo LOGSE zikloetan modulu horren baliokide den edozein modulu gaindituta edukita (Merkataritza-establezimendu txiki baten administrazioa eta kudeaketa, Familiako nekazaritza-ustiategi baten antolaketa eta kudeaketa,…)
    • Ingeleseko titulu ofizialek Ingeles profesionala baliozkotuko dute. Erdi-mailako ziklo bateko Ingeles profesionalaren modulua baliozkotzeko, B1 mailaren edo maila handiagoaren baliokidea beharko da, eta goi-mailako zikloetan, B2 mailaren edo maila handiagoaren baliokidea.
  • Modulu teknikoak: tresna honen bidez, zure zikloaren baliozkotze posibleak kontsulta ditzakezu, gainditu dituzun ikasketetan eta egiaztatuta dituzun konpetentzia-unitateetan oinarrituta.

Beste ikasketa batzuk:
Hezkuntza eta Lanbide Heziketako Ministerioko Lanbide Heziketako Zuzendariordetzak ebatziko du lanbide-moduluen beste baliozkotze batzuei buruz (unibertsitate-ikasketak, LOE baino lehenagoko beste sistema batzuetako LH…).

Bai, ofiziala da, eta balio akademikoa eta profesionala du lurralde nazional osoan.

BIRTLHn, osatzen dituzun ikasketen egiaztapen partzialak lortuko dituzu. BIRTLHn egiazta daitekeen gutxieneko ikasketa-unitatea B gradua edo lanbide-modulua da. C gradua lortzeko beharrezkoak diren B graduak egiaztatzen badituzu eta dagokion enpresan egonaldia egiten baduzu, zure C mailako titulua lortuko duzu. Heziketa-ziklo osoa osatzen duten C eta B graduak egiaztatzen badituzu, enpresan egindako egonaldiarekin batera, D graduko titulua lortuko duzu.

Ez dago matrikulatzeko gutxieneko modulu kopururik.

Ondoz ondoko 6 ikastaro ezarri dira gehienez.

Enpresako Prestakuntza modulutik salbuesteko eskatu ahal izango duzu, lotutako zereginetan aldez aurretik esperientzia duzula egiazta badezakezu.

Modulu bakoitzerako gomendatutako dedikazio-orduen kopurua kontsulta dezakezu gure webgunean, eta, horrela, ibilbide pertsonalizatua sor dezakezu zure beharrak eta erabilgarritasuna kontuan hartuta. Gainera, ikasketen hasieran egitea gomendatzen diren oinarrizko moduluak kontsulta ditzakezu.

Zikloaren arabera, eskaintzen diren moduluak erabat online izan daitezke edo erdi-presentzialak izan daitezke, hau da, gutxieneko klase-kopuru bat egongo da, eta horietara joan beharko duzu gainditzeko. Ikasturte honetakoak ziklo bakoitzaren egutegian kontsulta ditzakezu “Prestakuntza-eskaintza” ren barruan.

Ez, amaierako azterketa guztiak eta partzial batzuk aurrez aurre egiten dira EAEko 3 lurraldeetan. Ikasturte honetako azterketen datak ziklo bakoitzaren egutegian kontsulta ditzakezu.

Onarpen-prozesua

Onarpen-prozesuak hiru fase ditu:

  1. Egin nahi dituzun moduluen aurreinskripzioa (inguruabar baremagarriak alegatzen badituzu, horiek egiaztatzeko dokumentazioarekin batera aurkeztu beharko duzu)
  2. Esleipena, non matrikulatu ahal izango zaren moduluak baremo-ordenaren arabera esleituko zaizkizun.
  3. Matrikula eta ordainketa, zeinean aukeratuko dituzun egokitu zaizkizun moduluak, behin betiko egitea erabakitzen dituzunak.

Esleitutako modulu guztietan matrikulatzea derrigorrezkoa ez denez, beti geratzen dira ondorengo esleipenekin betetzen diren plaza libreak: prozesua ez da lehen esleipenean amaitzen, eta irailera arte luza daiteke.

Esleipenak Ikasgunearen bidez argitaratuko dira. Prozeduran zehar, abisuak bidaliko zaizkie parte hartzen duten pertsona guztiei, posta elektronikoaren eta sms bidez, zure aurreinskripzioan eman duzun telefono mugikorrera. Horregatik, emandako kontaktuak zuzenak direla egiaztatu behar duzu.

Prozesua behar bezala egiteko, bete jarraibide eta aholku hauek:

Zalantzak badituzu
harremanetan jarri gurekin

Harremanetan jarri

1. Aurreinskripzioa

1.1. Aurreinskripzio-eskaerarako moduluak zehaztu

Matrikulatzeko gomendioak

  • Hartu unetxo bat eskabide-orrian moduluak behar bezala ordenatzeko. Lehentasun-ordena horrek zehaztuko ditu egin ditzakezun moduluak.
  • Modulu bakoitzarentzat balioetsitako asteko orduak eta ordu totalak kontuan har itzazu. Ziklo bakoitzaren “Moduluak” atalean dituzu.
  • Arreta berezia jarri moduluak aukeratzeko ordenan (kontuan izan batzuek baldintzak dituztela). Ziklo bakoitzeko “Matrikularako argibideak” atalean daukazu.
  • Saio presentzialak dituzten moduluen ordu presentzial kopurua (existitzen badira), ordutegia eta egutegia kontuan har itzazu. Ziklo bakoitzaren “Moduluak” atalean dituzu.
  • Zure egoera pertsonala, familiarra eta profesionala kontuan hartuta, astero ikasteari dedikatu ahal izango diozun ordu-kopurua kalkula ezazu, zure matrikula doitzeko.
  • Bete zure eskaera ideala (nahi duzunari gehien egokituko litzaiokeena). Aurreinskripzioa egitean, burutzeko asmoa dituzunak baino modulu gehiago aukeratzea gomendatzen dizugu. Kontuan izan ezazu agian ez zaituztela modulu guztietan onartuko.
  • Nahiz eta matrikulan ezingo duzun gainditu ordu-muga (700 ikasle berria zarenean eta 1.000 sartzeko lehentasuna duzunean), aurreinskripzioan ordu-kopurua mugagabea da.
  • Baliozkotzat edo salbuetsitzat jotzen dituzun moduluetan ez matrikulatzea gomendatzen dizugu. Baliozkotzeei eta salbuespenei buruzko informazioa kontsultatzeko tresna hau erabili.

Ez duzu matrikulatu behar baldintzak betetzen ez dituzun moduluetan:

Modulu bakoitzaren eskakizunak (izanez gero) dagokion zikloko “Matrikularako argibideak” atalean kontsulta ditzakezu. Modulu bateko baldintzak betetzen ez badituzu eta bertan matrikulatzen bazara, litekeena da hori gainditzeko gai ez izatea. Bi aukera izango dituzu:

  • Modulua ez gainditzea; beraz, 2 deialdi kontsumituko dituzu eta, ziurrenik, hurrengo ikasturterako lehentasuna galduko duzu matrikulazioan.
  • Matrikula baliogabetzea; beraz, hurrengo ikasturterako lehentasuna galduko duzu matrikulazioan.

1.2. Aurreinskripzio-eskaera egin

Aurreinskripzio datak 2025-2026

Sartzeko eskaera eta dokumentazioa aurkeztea Ohiko epea
Eskaera aurkeztea maiatzaren 5etik 23ra bitartean
Eskaera aldatzeko edo zuzentzeko aukera maiatzaren 23ra arte
Dokumentazioa aurkeztea ekainaren 30era arte, dokumentazioa online edo aurrez aurre aurkezten dutenentzat, eta ekainaren 20ra arte gainerakoentzat.

Ezin badituzu izapideak epe horretan egin, beharrezko dokumentazioa ez duzulako edo dena delako arrazoiengatik, kontuan izan ezohiko aldi bat dagoela, libre geratzen diren plazak esleitzeko irekitzen dena.

Ikasgunean sartzeko jarraibideak

  • 1. urratsa: Erregistratu Ikasgunean.
  • 2. urratsa: Sartu zure kontuan.
  • 3. urratsa: Ezkerreko menuan, zabaldu Administrazio-prozesuak eta laguntzak azpimenua, eta hautatu Onarpen eskaerak aukera. Hurrengo pantailan, egin klik LH urrutikoa aukeran.
  • 4. urratsa: Sortu urrutiko LHko eskaera berria, eta hautatu interesatzen zaizun zikloa.
  • 5. urratsa: Aukeratu izena eman nahi duzun moduluak lehentasun-ordenaren arabera, aurretik emandako aholkuei jarraituz.
  • 6. urratsa: Eskaera bete ondoren, gorde, bidali eta inprimatu.
  • 7. urratsa: Eskaeran aldaketak egin nahi izanez gero, epea irekita dagoen bitartean egin ahal izango da.
  • 8. urratsa: Aurreinskripzioan bertan online dokumentazioa ez baduzu eransten, aurkeztu horretarako ezarritako edozein lekutan (ez da beharrezkoa eskabidearen kopia ikastetxera bidaltzea).

Dokumentazioa

Zer dokumentazio aurkeztu behar den
  • Esleipenean parte hartzeko, nortasun-agiria (NAN, AIZ, …) baino ez da behar, bi aldeetatik.
  • Hala ere, dokumentazio hori ez da beharrezkoa izango eskaera online egiten denean Ikasgunearen bidez, atari honek pertsonaren nortasuna ziurtatzen baitu.

Ondoko egoera baremagarriak kontuan hartzeko, alegatu egin behar dira, eskabidean markatuz. Egoeraren bat alegatuz gero, honako hauek aurkeztu beharko dira:

  • Erroldatuta egotea: EAEn erroldatuta egotearen ziurtagiria, eskaera egiteko epea hasi ondoren emana.
  • Langilea edo langabetua izatea: Gizarte Segurantzaren lan-bizitzaren ziurtagiria edo enplegu-eskatzaile izatea egiaztatzen duen agiria, eskaerak aurkezteko epean egoera hori egiaztatzen duena.
  • Zikloan gainditutako moduluak izatea: Ziurtagiri akademiko ofiziala, eskatutako moduluei lotutako zikloko moduluen kalifikazioak jasotzen dituena.
    Moduluak Euskal Autonomia Erkidegoan egin badira 2014/15 ikasturtearen ondoren, eta espedientea Hezkuntza Sailaren aplikazioetan agertzen bada, ez da beharrezkoa dokumentazio hori aurkeztea (baina alegatu egin beharko da).
  • Zikloari lotutako konpetentzia-unitateak aitortuak izatea: Profesionaltasun-ziurtagiriaren titulua edo eskatzen diren moduluen zikloari lotutako konpetentzia-unitateen ziurtagiria.
  • Titulazioa: Goi-mailako moduluetarako Batxilergoko titulua edo baliokidea, eta Erdi-mailako moduluetarako DBHko titulua edo baliokidea.
    Ziurtagiri akademiko ofiziala, barematzeko alegatzen den tituluaren batez besteko nota adierazten duena.
    Tituluak batez besteko nota argi eta garbi adierazten badu, nahikoa da dokumentu hori aurkeztea, eta ez da beharrezkoa ziurtagiri akademiko ofiziala aurkeztea.
    Titulua lortu dela frogatzen duen agiria aurkezten denean, aurkeztutako dokumentazioan tituluaren batez besteko nota eta kalifikazio osoak agertzen ez badira, atal honetan 5 puntu emango dira.
Dokumentazio osagarria kasu zehatzetarako bakarrik:
  • Desgaitasun-ziurtagiria, %33koa edo handiagoa.
  • Errendimendu handiko kirolariaren ziurtagiria.
  • Tasak murrizteko ziurtagiria: familia ugaria, terrorismoaren biktimak eta senideak, desgaitasuna duen pertsonaren bat ardurapean duten familiak, genero-indarkeriaren biktimak.
Nola aurkeztu behar den dokumentazioa

Eskatutako dokumentazioa Euskal Autonomia Erkidegoko bi hizkuntza ofizialetako batean idatzita egon behar da (euskaraz edo gaztelaniaz).

Ikasturte honetan edo aurrekoetan BIRTLHn matrikulatuta egon diren ikasleek ez dute zertan dokumentaziorik aurkeztu, lehentasuna galdu ondoren barematzeko moduko egoeraren bat alegatu nahi ez badute. 

Dokumentazioa Ikasgunea plataformara igoko da artxibo bakar batean (pdf edo antzekoa), atal bakoitzeko.

Espedientea 2014-2015 ikasturtea baino geroagokoa bada eta Eusko Jaurlaritzako Hezkuntza Sailaren aplikazio informatikoan agertzen bada, ez da beharrezkoa izango titulua edo espediente akademikoa aurkeztea. Gainerako kasuetan, dokumentazioa ekainaren 16a baino lehen aurkeztu beharko da.

Prozedura oso-osorik online egitea gomendatzen da.

Parte-hartzaileek beren gain hartzen dute aurkeztutako dokumentazioaren egiazkotasunaren erantzukizuna. Agiriren bat faltsua bada edo manipulatzen bada, prozedura honetan parte hartzeko eskubidea galduko dute, legokiekeen erantzukizun zibil edo penalaren kalterik gabe. Beharrezkotzat jotzen bada, jatorrizko dokumentazioa edo dokumentazio konpultsatua aurkezteko eskatuko zaio interesdunari.

Argibidea

  • Baliozkotze eta salbuespenaren prozedura ikaslea matrikulatu ondoren hasten da; beraz, fase honetan ez da horretarako dokumentaziorik aurkeztu behar (dokumentazio hori ez da kontuan hartuko inolako ondorioetarako).

2. Esleipena

Esleipen-datak

Matrikulazio-egutegia Ohiko epea
Onartutako, onartu gabeko (itxaron-zerrendak) eta baztertutako eskaeren behin-behineko zerrenda argitaratzea Uztailaren 5a
Behin-behineko zerrenden aurkako erreklamazioa aurkeztea Uztailaren 10eko 12:00ak arte
Onartutako, onartu gabeko (itxaron-zerrendak) eta baztertutako eskaeren behin betiko zerrenda argitaratzea Uztailaren 11a
Matrikula formalizatzea, matrikula ordaintzea barne Uztailaren 11tik 16ra
Itxaron-zerrenden ondoriozko plazen geroko esleipenen behin betiko zerrenda argitaratzea/ondorengo plazen esleipenetako matrikula formalizatzea (matrikularen ordainketa barne) Webgunean argitaratuko dira, eta parte-hartzaileei jakinaraziko zaie, gaitutako komunikazio-kanalen bidez

Modulu bakoitzeko plaza guztietatik % 5 gordeko dira % 33ko edo gehiagoko desgaitasuna dutela egiaztatzen dutenentzat, eta beste % 5 errendimendu handiko kirolarientzat (eskabidean markatu eta egiaztagiriak erantsi behar dira).

Onarpen-prozeduran lehentasuna izango dute prozeduraren aurreko ikasturtean BIRTLHn matrikulatuta egon diren ikasleek, baldin eta moduluren bat gainditu badute eta matrikulatu ziren gainerako moduluetatik bat ere utzi edo baliogabetu ez badute. Moduluren bat suspendituz gero, eskubide horri eusteko, beharrezkoa da, gainera, etengabeko ebaluazioa gainditzea eta amaierako azterketetako batera aurkeztea.

Antzinako ikasleen eskaerak ordenatzeko ondorengo irizpideak aplikatuko dira hurrenez hurren:

Sartzeko lehentasuna duten ikasleak

1. Zikloan gaindituriko modulu kopurua
2. Matrikulazioarekiko gaindituriko modulu kopuruaren ehunekoa
3. Ikasketa espedienteko batezbesteko nota

Ikasle berriak zikloan

Gainerako eskaerak antolatzeko, irizpide hauek aplikatuko dira, hurrenez hurren:

  1. Langileak edo langabeak
    1. Euskal autonomia erkidegoan erroldatutako pertsonak
      1. Zikloan gainditutako moduluak
      2. Zikloari lotutako konpetentzia-unitateak
      3. Alegatutako tituluaren batez besteko nota
    2. Euskal autonomia erkidegoan erroldatu gabeko pertsonak
      1. Zikloan gainditutako moduluak
      2. Zikloari lotutako konpetentzia-unitateak
      3. Alegatutako tituluaren batez besteko nota
  2. Gainerakoak (langileen edo langabeen lehentasun berarekin)

  • Zerrendetan agertzen ez zarenean edo baztertuen zerrendetan agertzen ez zarenean, izapide guztiak behar bezala bete badituzu.
  • Egoera baremagarriren bat alegatu eta justifikatu ondoren, hori kontuan hartu ez denean edo emandako puntuazioan akatsak daudenean (erroldatzea, langilea/langabea, gainditutako moduluak, egiaztatutako gaitasun-unitateak, Batxilergoko/DBHko titulazioa edo baliokidea)
  • Onarpenean zure lehentasuna, % 33ko edo gehiagoko desgaitasuna edo errendimendu handiko kirolaria zarela kontuan hartu ez denean.

3. Matrikulazioa eta Ordainketa

Matrikula konfirmatu aurretik, egiaztatu modulu bakoitzaren baldintzak: kontsultatu “Matrikularako argibideak” atala eta egiaztatu baldintzak, saio presentzialen egutegia, guztizko orduak, etab. Dena zuzen badago, baieztatu matrikula eta egin ordainketa.

Prozedura Ikasgunearen bidez egiten da. Esleipen batean (ikus esleipen-daten eta matrikularen koadroa) plazaren bat egokitu bazaizu, zure eskabidean “matrikulatu” botoia agertuko da. Sakatu eta Administrazioaren ordainketa-pasabidera sartuko zara. Matrikula osatzeko jarraibideak bete behar dituzu.

Gogoratu ordainketa dagokion epean egiten ez bada ez zarela matrikulatuko eta egokitu zaizkizun plazak itxaron-zerrendako kideei esleituko zaizkiela hurrengo esleipenetan.