BIRTLHn, nazioartekotzea da indartu nahi dugun lehentasun estrategikoetako bat, eta, horregatik, ikasle eta irakasleei nazioarteko ikuspegia garatzeko aukera ematen ahalegintzen gara, Europako erakundeek alor horretan eskura jartzen dizkieten aukerak aprobetxatuz. Nazioarteko proiektuen kudeaketan esperientzia berria dugun zentroa garen arren, batez ere Erasmus+ Programaren bidez, gure aukerak zabaldu nahi ditugu Europa mailan mugikortasuna eta ezagutza-trukea sustatzeko.
Gure helburu nagusia ikasleei maila akademikoan zein pertsonalean aberasteko aukera emango dieten esperientzia berriak eskaintzea da, eta, era berean, aukera-berdintasuna sustatzen dugu egoera zaurgarrian dauden kolektiboen artean. Halaber, jasangarritasuna eta digitalizazioa indartzea bilatzen dugu gure ekintzetan.
Gure ikastetxeko Lanbide Heziketako ikaslea zarenez, honako hauetaz baliatu ahal izango zara:
- Hizkuntzak Erasmus + linean ikasteko hizkuntza-ikastaroak.
- Erasmus+ programan parte hartzea. Programa honi esker, praktikak egin ahal izango dituzu Europar Batasuneko enpresetan, herrialde kideetan eta, goi-mailako zikloen kasuan, Europar Batasunetik kanpoko herrialdeetan.
Erasmus bekak mugatuak direnez, BIRTLHk hautaketa-irizpide batzuk ditu finkatuta, lehentasuna ematen diotenen artean:
- Atzerriko hizkuntza jakitea.
- Ikasketa-espedientea.
- Zeharkako gaitasunak.
Testuinguru horretan, SEPIEk (Hezkuntza Nazioartekotzeko Espainiako Zerbitzua) Espainian Erasmus+ programa kudeatzeaz arduratzen den erakunde publiko gisa jarduten du. Bere lana funtsezkoa da mugikortasuna, nazioarteko lankidetza eta hezkuntzaren nazioartekotzea maila guztietan sustatzeko, ikasleentzako zein irakasleentzako aukerak erraztuz.
